O encontro de emprendemento Pont-Up Store, unha iniciativa liderada polo Campus Crea da Universidade de Vigo co apoio do Concello de Pontevedra como patrocinador principal, desenvolve unha xira de presentación polas principais cidades galegas dirixida a dar a coñecer a quinta edición deste encontro, que terá lugar do 20 ao 22 de setembro en Pontevedra, así como as súas modalidades de participación. 

Nesta xornada, o Pont-Up Store será presentado no espazo La Ferretería, en Lugo, nun acto no que o seu dierctor, Pedro Figueroa, estará acompañado por Alejandra Iglesias e Rebeca López, de Mi madre no me deja; Miriam Basanta, de Atelier de Yaiza Wedding Planner & Designer; e Alejandro Feijóo, de Biorganización, tres das empresas participantes en anteriores edicións do evento.