A Facultade de Ciencias da Educación e do Deporte acolle a primeira sesión do Ciclo ST2REAM, promovido pola Vicerreitoría do campus e a Concellaría de Promoción Económica e Universidade e dirixido a conectar as disciplinas STEM (ciencia, tecnoloxía, enxeñaría e matemáticas), co ensino, a lectura e as artes. O investigador Lucas Ramada imparte nesta xornada o primeiro dos cinco talleres que integran esta actividade, titulado Ler o xogo: ficción dixital e educación cultural.