Dentro da programación do Festival Novos Cinemas, que conta coa colaboración da Vicerreitoría do campus, a Facultade de Belas Artes acolle, os días 11 e 12 de decembro, un obradoiro de dirección de fotografía impartido por Santiago Racaj, inserido na colaboración do festival coa Escola de Cine e Audiovisual da Comunidade de Madrid. Colaborador habitual de cineastas como Javier Rebollo, Jonás Trueba, Carla Simón ou Fernando Franco, Racaj proporá aos asistentes a este taller un achegamento ao concepto da mirada e a construción do punto de vista na narración desde a óptica do traballo desempeñado polos fotógrafos de cinema.