O grupo EQ2 da Universidade de Vigo celebra as súas III Xornadas Biomasa e Desenvolvemento Sostible. Nelas, principalmente investigadoras deste grupo pero tamén da University College Dublin abordarán temas como o uso de novas tecnoloxías para a obtención de elementos bioactivos e alimentos funcionais das algas; a valorización de biomasa lignocelulósica; a biomasa vexetal como fonte de compostos con potencial prebiótico e a revalorización de residuos de té.