Máis empresas, incluíndo, por primeira vez, firmas do sector sanitario. Así será a XXIV edición do Foro Tecnolóxico de Emprego, a cita que cada ano reúne no campus de Vigo ás futuras e futuros enxeñeiros co sector empresarial. Celébrase do 5 ao 7 de marzo nas tres escolas de enxeñaría: Industrial, Minas e da Enerxía, e Telecomunicación.

O foro conta coa presenza de postos de máis de 40 empresas nos que as persoas asistentes poderán entregar os seus currículos, ofrecéndolle así ao alumnado a oportunidade de establecer contacto directo cos seus futuros empregadores. Xunto a isto desenvolveranse tamén múltiples conferencias, workshops, simulacións de entrevistas... nas tres escolas de enxeñaría do campus.