No marco das actividades da exposición Do final e do comezo 2021, que reúne as obras de 38 titulados e tituladas en Belas Artes, o Pazo da Cultura acolle a performance Arrastre (unha reflexión sobre a miña propia vida), a cargo da graduada Sara Camaño, unha das artistas seleccionadas para esta exposición.

A performance, que ten como punto de partida o "vestido feito do meu propio corpo" que a artista presenta nesta mostra, desenvolverase tanto no Pazo da Cultura como nas rúas da cidade, aínda que o percorrido adaptarase en función das condicións meteorolóxicas.