Asisten: Manuel Reigosa, reitor da Universidade de Vigo; Susana Reboreda, decana da Facultade de Historia; Jesús Vázquez, alcalde de Ourense, e Rosendo Fernández, vicepresidente da Deputación de Ourense

O campus de Ourense celebra o III Congreso Internacional da Auga, organizado no marco do seu proxecto de especialización como Campus da Auga. A cita celebrarase do 25 ao 27 de outubro de 2018 co obxectivo de volver unha vez máis a ser punto de encontro para reflexionar e intercambiar coñecementos sobre aspectos significativos relacionados coa auga. Se na primeira edición o protagonista foi o termalismo e a calidade de vida e no segundo as inundacións e secas, nesta terceira edición o eixe temático central será a historia, a xeografía e a arte. Durante os dous días de sesións que contempla a programación exporanse 80 comunicacións e pósters de expertos e expertas procedentes de oito países.