Jose Manuel Canosa Saa

Licenciado en CC. Químicas (especialidade de Química Industrial) pola Universidade de Santiago de Compostela (1992). Doutor en Química polo Departamento de Enxeñaría Química da Universidade de Vigo (2000). Profesor Titular de Universidade dende 2002. Comezou a súa carreira investigadora no campo da termodinámica e propiedades de transporte de mesturas en estado líquido. Concretamente no estudo dos procesos de separación e transporte, tanto na determinación experimental como no estudo teórico de magnitudes termodinámicas e de equilibrio entre fases de sistemas multicompoñente: Equilibrio liquido Vapor (ELV) e Equilibrio líquido liquido (ELL). Na última década contribuíu no estudo dos Líquidos Iónicos, centrándose na caracterización e utilización destes solventes como axentes extractores en procesos de extracción líquido líquido de mesturas de interese industrial. Coautor de mais de 56 artigos (cun índice H = 28) publicados en revistas JCR do ámbito da Enxeñaría Química e participante en máis de 18 proxectos de investigación / contratos con empresas. No ámbito da formación e a docencia, foi codirector dunha Tese de Doutoramento con Premio Extraordinario de Doutorado. Con catro quinquenios de docencia imparte docencia na Universidade de Vigo desde 1997, primeiro como bolseiro predoutoral e posteriormente como profesor asociado, titular interino e a partir de 2002 como Profesor Titular de Universidade. Dende 2010 a 2020, foi coordinador do máster universitario en Ciencia e Tecnoloxía de Conservación de Produtos da Pesca, máster colaborativo da Universidade de Vigo e a Asociación Nacional de Fabricantes de Conservas (ANFACO CECOPESCA). Centro tecnolóxico de referencia no desenvolvemento e investigación dos produtos do mar.