O Sexto Edificio do Museo de Pontevedra acolle, os días 2 e 3 de outubro, a primeira edición da Fashion and Design Conference (FADC), un congreso internacional organizado por Esdemga e o grupo de investigación DX7 Tracker. Laboratorio Visual. O congreso contará coa participación, tanto presencial como por vía telemática, de investigadores e investigadoras de diferentes universidades, que, desde múltiples miradas e disciplinas, teñen na moda o seu obxecto de estudo.