O ciclo de cinema documental Docs del Mes, que a Vicerreitoría do campus promove en Pontevedra coa colaboración do Concello, acolle a proxección de Oeconomía, un filme no que a directora alemá Carmen Losmann aborda as regras do capitalismo contemporáneo e como estas fan crecer sistematicamente o déficit e a concentración de riqueza.

Dada as restricións ás que obriga a situación sanitaria, as proxeccións contan actualmente cun aforo limitado a 49 persoas, ampliable a un máximo de 98 no caso de que acudan conviventes, xa que estes poden sentar en dúas butacas contiguas.