Campus Camp

Para favorecer a conciliación da vida familiar e profesional dos membros da comunidade universitaria en época de vacacións escolares ao tempo que se achega a universidade aos máis pequenos, a Universidade de Vigo ofrece a actividade do “Campus Camp” para os 3 campus (Ourense, Pontevedra e Vigo). 
Esta actividade está dirixida aos fillos e fillas dos membros da comunidade universitaria con idades comprendidas entre o 3 e os 12 anos durante os períodos non lectivos dos meses de xuño, xullo e setembro.

Obxectivos

• Relacionarse con nenos e nenas de idades similares, facilitándolle alternativas de ocio que posibiliten a convivencia e o desenvolvemento das relacións interpersoais.
• Aproveitar as particularidades da situación do campus para realizar actividades ao aire libre.
• Fomentar o coñecemento por parte dos menores do entorno universitario a través de actividades lúdico-formativas.
• Fomentar as actividades en grupo, mediante a colaboración e o traballo cooperativo.
• Iniciarse ou afondar na adquisición de habilidades específicas de diferentes deportes a través do xogo.
• Unificar as posibilidades que ofrece a universidade para conciliar a vida familiar e laboral en época de vacacións escolares.
• Crear un ambiente de distensión provocando a risa e a diversión.

Inscrición

• Programación de actividades 2018. Campus de Ourense
• Programación de actividades 2018. Campus de Vigo

Quendas

• Xuño, xullo e setembro: do 22 de xuño até o comezo do curso de educación primaria (agás agosto)
• Xuño: do 22 ao 29
• Xullo: do 2 ao 31
• 1ª quincena de xullo: do 2 ao 13
• 2ª quincena de xullo: do 16 ao 31
• Setembro: do 3 até o comenzo do curso de educación primaria
• Días soltos: todos os días hábiles das quendas