Equality Plan
This content is currently not available in English
Temos un compromiso coa sociedade: somos motor de cambio e modelo de referencia para unha igualdade real entre homes e mulleres
Para cumprir con este compromiso e traballar na mellora continua, creamos o III Plan de igualdade entre mulleres e homes da Universidade de Vigo (2020/2024), o instrumento político para a continuación das políticas de igualdade de xénero, un plan cuadrienal, participativo e dinámico.
Este plan está axustado á realidade, pois aínda que poida parecer ambicioso, é factible e está deseñado para acadar os obxectivos propostos. Así mesmo, é un plan integrador que pretende incidir positivamente en toda a comunidade universtaria, conciliando intereses, creando entornos de relacións máis igualitarios e aspirando tamén á igualdade entre as diferentes expresións de diversidade sexual.
Por suposto, é transversal, xa que as accións propostas alcanzan todos os nosos órganos, estruturas e servizos, así como as persoas que os ocupan ou os dirixen co obxectivo de naturalizar o principio de igualdade de xénero en todas as fases da actividade universitaria para acadar a excelencia.
III Plan de igualdade da Universidade de Vigo
Ao igual ca o primeiro plan e ca o segundo, o III Plan de igualdade entre mulleres e homes da Universidade de Vigo estrutúrase en catro eixes que, á súa vez, conteñen obxectivos estratéxicos e operativos. A partir deses obxectivos concrétanse as doce accións consideradas necesarias para acadalos.
- Cultura da igualdade na Universidade de Vigo
- Proxección social da Universidade de Vigo con perspectiva de xénero.
- Docencia, investigación e transferencia de coñecemento con perspectiva de xénero
- Condicións sociolaborais con perspectiva de xénero
III Plan de igualdade (2020-2024)
Informes de seguimento
- Primeiro informe de seguimento (2021)
- Segundo informe de seguimento (2022)
- Terceiro informe de seguimento (2023)
Máis información:
Unidade de Igualdade
Edificio Ernestina Otero
As Lagoas, Marcosende
36310 Vigo
igualdade@uvigo.gal
+34 986 813 419