O encontro de emprendemento Pont-Up Store, unha iniciativa liderada polo Campus Crea da Universidade de Vigo co apoio do Concello de Pontevedra como patrocinador principal, desenvolve unha xira de presentación polas principais cidades galegas dirixida a dar a coñecer a quinta edición deste encontro, que terá lugar do 20 ao 22 de setembro en Pontevedra, así como as súas modalidades de participación. 

Nesta xornada, o Pont-Up Store será presentado na sede de Afundación, nun acto no que o seu director, Pedro Figueroa, estará acompañado por representantes de Abanca e R, dúas das entidades patrocinadoras do evento, e por Xosé Rodríguez, de Dogoplay, Martín Castón, de Innovadhoc, e Paula Patiño, de A Castrexa, tres das empresas participantes en anteriores edicións do evento.