Licenciado en Ciencias Políticas e da Administración pola Universidade de Santiago de Compostela, Máster en Xestión Pública por ESADE-Universitat Autónoma de Barcelona-Universitat Pompeu Fabra, e Doutor en Ciencias Políticas, especializado en análise de políticas públicas de Benestar dende unha perspectiva multinivel, pola Universidade de Santiago de Compostela.
Ó longo da miña vida profesional e académica colaborei como investigador universitario en proxectos relacionados co deseño, xestión e avaliación de políticas públicas, coordinando o deseño e implementación de políticas de Benestar, e realizando auditorías e avaliacións de programas relacionados coa mellora da calidade de vida da poboación en diferentes países.
Dentro da actividade de investigación e transferencia, salientan colaboracións co Instituto de Goberno e Políticas Públicas da Universidade Autónoma de Barcelona en políticas locais de promoción económica e emprego (Proxecto Elionor, 2003-2005), a análise de políticas de benestar recollidas polo INAP (2020) e a Revista Gestión y Análisis de Políticas Públicas (2022), a colaboración en avaliacións proxectos a nivel internacional, así como o deseño de servizos de benestar e de programas de intervención en benestar ou a mellora das políticas de recursos humanos a nivel local.
No ano 2023 incorpórome ó equipo do Grao en Dirección e Xestión Pública da Universidade de Vigo, colaborando na docencia de materias como Sistema Político Español e Xestión de Redes Sociais Institucionais.
