Con motivo da conmemoración do Día Mundial da Poesía, a Comisión PEA-Unesco da Facultade de Ciencias da Educación e do Deporte promove o festival A poesía dá a nota, que combina o recitado de poemas por parte de profesorado e alumnado con actuacións musicais.

Así mesmo, con motivo da conmemoración, o pasado mes, do Día da Lingua Materna e Herdada, a facultade acolle ao longo desta semana a actividade Haquea os algoritmos, na que se pide ao alumnado que escriba os nomes de influencers que utilicen o galego ou outra lingua minorizada nun muro de cortiza instalado na entrada do centro.