A sede da Vicerreitoría do campus acolle entre o 29 de marzo e o 13 de abril a exposición Os monstros de Kraken: Elvis!, que presenta os personaxes e escenarios da curta de animación Elvis!, levada a cabo polo alumnado da academia de animación stopmotion Kraken, que dirixe o alumno de doutoramento da Facultade de Belas Artes Daniel Rodríguez (Lizartonne).

A mostra complétase coa estrea desta curtametraxe, que se proxectará no propio espazo da exposición xunto con Avelino, a anterior curta realizada polo alumnado de Kraken, premiada no festival internacional de curtas de comedia de Allariz en 2018.