A Sala X acolle a exposición La esencia caliente, comisariada polo alumno de doutoramento da Facultade de Belas Artes Manuel Mata. A mostra, que reúne obras do artista estadounidense Dan Mathews, a chilena Lupe Pinar e os galegos José Batallán e Manolo Martínez, xurde da investigación que articula a tese de Mata Piñeiro, que recolle os fundamentos do movemento literario coñecido como realismo sucio e a súa translación a outros campos da arte contemporánea. A exposición poderá visitarse na sala de exposicións do campus ata o 14 de febreiro.