A Facultade de Ciencias Sociais e da Comunicación acolle entre o 13 de abril e o 11 de maio uns obradoiros profesionais dirixidos a dar a coñecer ao alumnado de grao en Comunicación Audiovisual diferentes ámbitos laborais relacionados coa titulación, da man dunha serie de profesionais formados na Universidade. Organizados polo profesor Paulino Pérez co patrocinio do Consello Social da Universidade de Vigo, o ciclo acolle nesta xornada un coloquio sobre efectos visuais, a cargo do egresado Pablo Lamosa, responsable de Cormorán VFX.

Os obradoiros están abertos a un máximo de 28 asistentes, sendo necesaria inscrición previa no correo electrónico sdfasoc@uvigo.es.