Novo acordo transformativo coa editorial Association for Compunting Machinery (ACM) para publicar en acceso aberto

A Universidade de Vigo asinou un acordo transformativo coa Association for Computing Machinery (ACM).

Con este acordo, as persoas que forman parte da comunidade universitaria poden acceder a todas as revistas de ACM, ao tempo que habilita a publicación en acceso aberto sen custo adicional nas súas revistas híbridas e Gold OA, cubrindo o 100% das taxas de publicación (APC).

Para beneficiarse desde desconto do 100 % nas APC:

• A autora ou autor de correspondencia (corresponding author) deberá ser membro da Universidade de Vigo e identificarse como tal mediante o seu correo electrónico institucional.
• Cómpre ter aceptado un artigo para a súa publicación entre o 1 de xaneiro de 2023 e o 31 de decembro de 2025.

As persoas beneficiarias deberán comprometerse a:

• Facer constar no artigo a filiación normalizada segundo o Protocolo de normalización da filiación institucional da Universidade de Vigo. 
• Incluír nos agradecementos unha mención ao financiamento recibido pola Universidade de Vigo. 
• Depositar a versión publicada do artigo no repositorio institucional Investigo para incrementar a súa visibilidade e garantir á súa preservación a longo prazo.

Máis información nas guías:

• Publicar en acceso aberto en Association for Computing Machinery (ACM)
• Acordos editoriais para publicar en acceso aberto

A Biblioteca Universitaria encargarase de xestionar as solicitudes e ofrecerá soporte e asesoramento sobre o procedemento que deben seguir as persoas interesadas.