findeu

Feira de emprego

A Universidade de Vigo, en colaboración coa Universidade do Porto e a Universidade de Trás-os-Montes e Alto Douro, organizan desde o ano 2016 a Feira Internacional do Emprego Universitario - Finde.U

Banner da Finde.U 2019


A Finde.U ten como obxectivo reforzar a conexión existente entre Galicia e o norte de Portugal poñendo aos principais empregadores españois, portugueses e internacionais en contacto directo co talento universitario dos máis de 66.000 estudantes e cerca de 150.000 persoas tituladas polas catro institucións.

A feira presenta tres eventos:

  • Feira Virtual. Realizada a través da web os días 9 e 10 de abril de 2019.  
  • Feira presencial en Vigo. IFEVI. 22 e 23 de outubro de 2019.
  • Feira presencial en Porto. EXPONOR. 29 e 30 de outubro de 2019

As feiras presenciais de Vigo e Porto desenvolveranse en horario local de 10.00 a 18.00 h , excepto o 22 de outubro que será de 10.00 a 20.00 h).

Como participar na Finde.U presencial

A Finde.U é un evento presencial que terá lugar nos recintos feriais de Exponor en Porto e no Ifevi en Vigo. A entrada aos eventos é libre pero para a presentación de currículos ás empresas é necesario inscribirse. Ao rexistrarte cubrirás os teus datos persoais e académicos e poderás subir o teu currículo ou contacto de LinkedIn.

Cando visites a feira, proporcionarémosche unha tarxeta electrónica ligada á túa inscrición. Só necesitarás pasar a túa tarxeta polos lectores localizados en cada caseta de empresa para achegarlles toda a túa información aos expositores.

Levámoste de balde a Exponor e Ifevi

A organización da Finde.U ofrece de balde un servizo de transporte para estudantes e persoas tituladas interesadas en visitar os eventos de Porto e Vigo. 

Preme no seguinte botón para consultar os horarios, as paradas e toda a información sobre as liñas de autobuses desde todos os campus.

A inscrición é obrigatoria en todas as liñas de autobús.

Empresas participantes

Máis de 150 empresas de todos os sectores participarán nos eventos presenciais de Porto e Vigo. No seguinte listado podes consultar as empresas que xa se inscribiron nesta edición da Feira Internacional de Emprego Universitario.

Se queres planificar a túa visita aquí tes o plano co emprazamento das empresas:

Obradoiros e relatorios

Expertos e expertas en coaching, orientación e emprendemento dos departamentos de recursos humanos das empresas participantes na feira, impartirán obradoiros e relatorios relacionados coa busca de emprego para mellorar a empregabilidade das persoas asistentes.

Máis información e programa

Consulta toda a información sobre o evento na web da Finde.U.

 

Máis información:

Área de Emprego e Emprendemento
Edificio Miralles
As Lagoas, Marcosende
36310 Vigo
+34 986 814 036
areaemprego@uvigo.es
​​​​​​