Identidade corporativa

• Expresar os nosos valores.
• Facilitar a adaptación ao espazo europeo de educación superior.
• Amplificar a percepción da Universidade de Vigo como axente de transformación do seu contexto socioeconómico.
• Aumentar o poder de atracción da universidade respecto do noso público obxectivo, o futuro alumnado.
• Proxección exterior da institución: situarnos no ámbito dos ensinos superiores, no conxunto da comunidade científica e respecto dos axentes sociais e económicos.
• Constituírnos nun máis dos elementos diferenciadores respecto da competencia.
• Propiciar a cohesión interna da comunidade universitaria dotándoa dun símbolo identitario que represente a nosa diversidade.

A actual identidade corporativa da Universidade de Vigo xestouse en outubro de 2008 cara unha transformación actualizada e acorde a un novo escenario. O mercado da educación superior europea esixe aplicar a lóxica do territorio das marcas e entender a imaxe da Universidade de Vigo como un valor tanxible da institución e como vehículo propio dos valores da mesma. Con este punto de partida, a concreción do universo da comunicación desta marca levouse a cabo a través de tres fases: Un concurso internacional, no que se recibiron máis de 600 propostas de tódolos rincóns do mundo, unha selección de entre cinco estudos baseados nas dúas propostas gañadoras do concurso, e finalmente, na elaboración e desenvolvemento da identidade e das aplicacións xunto a confección do Manual de imaxe corporativa.

• Minimanual de identidad corporativa
• Manual completo de identidad corporativa

O uso do logotipo autorizarase exclusivamente para fins propios da Universidade Vigo. En ningún caso lle outorgará á persoa usuaria o dereito de exclusividade, nin lle permitirá apropiarse mediante o rexistro ou calquera procedemento do citado emblema ou similar. Presumirase a autorización no caso do seu emprego en actividades desenvoltas por membros da comunidade universitaria organizadas nesta institución.

• Logotipo PNG
• Logotipo PDF

Modelos con formato institucional

Para axudarvos a desenvolver a vosa actividade diaria, poñemos á vosa disposición distintos recursos con formato institucional:

• Presentacións en PPT
• Modelos de cartas en word
• Diplomas
• Tipografías corporativas

Os modelos e as tipografías necesarias para a súa edición tamén se lle poden solicitar á Área de Imaxe por correo electrónico imaxe@uvigo.gal ou por teléfono no +34 986 813 411.

Fondos para os vídeos

Velaquí distintos fondos corporativos  de emprego recomendado nos vídeos docentes e divulgativos producidos na contorna da institución. Os fondos están organizados en catro grupos, un por campus e un cuarto xenérico con fondos neutros para empregar de xeito común. En xeral os fondos con cores frías (azul anil) e neutras (gris) funcionan mellor como fondos ou traseiras.

• Campus de Ourense: 1 |  2 | 3 | 4
• Campus de Pontevedra: 1 | 2 | 3
• Campus de Vigo: 1 | 2 | 3
• Xenéricos: 1 | 2 | 3 | 4

Se tes calquera dúbida co emprego deste material, podes contactar con UVigoTV por correo electrónico tv@uvigo.gal.
​​​​​​

Cabeceiras de entrada e de saída para os vídeos

Deseguido podes descargar as seguintes gráficas en movemento para engadir ao comezo e ao remate dos teus vídeos.

• Transicións de vídeo

En caso de teres algunha pregunta, podes contactar con UVigoTV por correo electrónico tv@uvigo.gal.

Gifs da mascota da Universidade de Vigo

Na seguinte ligazón poderás descargar os gifs da nosa mascota Oli:

• Gifs de Oli

Covid-19

Debido aos cambios xerados pola covid-19 e co obxectivo de ofrecerlle á comunidade universitaria solucións inmediatas, desde a Área de Imaxe, en colaboración co Servizo de Prevención de Riscos Laborais, deseñamos unha serie de produtos destinados a manter a distancia entre as persoas e a seguir as recomendacións de hixiene para evitar os contaxios

• Carteis para descargar

Biblioteca 

• Carteis para descargar

A Área de Imaxe da Universidade de Vigo ten como propósito asesorar a comunidade universitaria para o correcto uso dos símbolos gráficos que representan a institución, co fin de reforzar e clarificar a comunicación interna, así como de proxectar unha imaxe exterior coherente e de excelencia.

Este asesoramento desenvólvese en tres liñas de actuación:

• Xestión dos símbolos e elementos de identidade corporativa e asesoramento para a comunidade universitaria, as axencias de publicidade e imprentas, co fin da realización de material gráfico acorde coa estética e os obxectivos da institución, e así reforzar a súa imaxe.
• Deseño e maquetación dos materiais promocionais gráficos das campañas institucionais da universidade.
• Asesoramento sobre liñas estéticas que han seguirse para a elaboración de traballos, materiais gráficos e publicitarios para a comunidade universitaria.

A Área de Imaxe asesora os membros da institución sobre o modo correcto de interpretar as normas do manual