Secretaría Xeral

Catedrático de dereito internacional privado na Universidade de Vigo, a área de coñecemento que coordina nos campus de Ourense e de Vigo desde 1994. 

Doutor en dereito pola Universidade de Santiago de Compostela (1995) e premio do Instituto Hispano-Luso-Americano de Dereito Internacional á mellor tese en dereito internacional privado (1996). A súa investigación especialízase en litigación internacional, arbitraxe de investimentos estranxeiros e dereito de autor internacional, entre outros campos.

Realizou estancias nos institutos Max-Planck e de Dereito Comparado de Múnic (Alemaña), na Freie-Universität de Berlín, na Université Panthéon-Assas Paris II (Francia) e na Western Australia University de Perth. 

Árbitro da Corte de Arbitraxe da Cámara de Comercio Hispano-Portuguesa desde 2011, foi vicedecano en dúas ocasións e decano da Facultade de Dereito; tamén dirixiu unha cátedra Jean Monnet sobre cooperación xurídica internacional. Actualmente, compaxina labores docentes e investigadoras con funcións de xestión, como secretario xeral da Universidade de Vigo desde xuño de 2018.

• A representación oficial da universidade ante os poderes públicos en materia xudicial e administrativa.
• A dependencia funcional da Asesoría Xurídica, actuando de canle á Secretaría Xeral para a petición dos informes xurídicos que apoien a actuación dos órganos colexiados e unipersoais, agás a Xerencia, que poderá solicitalos directamente en asuntos da súa competencia.
• O impulso, a dirección e a coordinación da revisión e da actualización normativa.
• A organización e a dirección dos rexistros e dos arquivos da universidade.
• A organización e a dirección do servizo de información, que se encargará da resolución de solicitudes realizadas a partir do dereito de acceso á información pública.
• A organización e a dirección da xestión da calidade na universidade e os procesos asociados.
• O impulso e a avaliación das actividades de implantación e desenvolvemento da administración electrónica, de acordo coa Vicerreitoría de Planificación e Sostibilidade.
• A proposta de calendario escolar.
• A sinatura de certificacións supletorias dos títulos propios.
• A tramitación e a supervisión formal dos expedientes informativos e disciplinarios.
• A supervisión formal dos expedientes de responsabilidade patrimonial.
• A xestión de convenios con outras institucións.
• A sinatura das resolucións que autoricen ou deneguen as rectificacións das actas académicas.
• A delegación da sinatura en resolucións reitorais polas cales se resolvan demandas de estudantes relacionadas coa súa actividade académica.
• A organización e o control dos procesos electorais correspondentes aos órganos de goberno de carácter xeral.

• Asesorar na creación e na revisión da normativa da Universidade de Vigo, en particular, no eido da administración electrónica, protección de datos persoais e arquivo. 
• Dinamizar e supervisar os procesos relativos á administración electrónica, en particular, o impulso e a coordinación dos labores destinados á creación do boletín electrónico da Universidade de Vigo.
• Coordinar coa delegada de Protección de Datos en relación coa execución dos procedementos sobre tratamento de datos persoais pola Secretaría Xeral.
• Impulsar e coordinar as tarefas que implican o arquivo universitario.
• Dialogar de xeito continuo e coordinar entre as diferentes áreas funcionais integradas na Secretaría Xeral no eido das tarefas sinaladas.
• Apoiar a Secretaría Xeral nas materias do eido legal, en cooperación coa Asesoría Xurídica. 
• Suplir o secretario xeral, baixo a súa delegación, nas reunións ou actos relativos ás funcións anteditas, onde a súa presenza fose facultativa e resultase xustificada.

• Xestionar os programas institucionais de calidade nos distintos eidos de funcionamento da universidade (docencia, xestión e investigación).
• Apoiar, asesorar e coordinar as diferentes actividades institucionais en materia de calidade na universidade.
• Promover o desenvolvemento dunha cultura de calidade na comunidade universitaria que fomente a mellora continua.