Welcome Center

O servizo de acollida da Universidade de Vigo, o noso Welcome Center, facilita toda a información necesaria para a rápida adaptación e incorporación á universidade do estudantado, persoal docente e investigador e persoal de administración e servizos. 

A UVigo é unha universidade pública e nova con presenza nos concellos de Vigo, Pontevedra e Ourense, formando tres campus especializados onde estudar titulacións de grao, dobres graos, mestrados e programas de doutoramento, nunha treintena de centros para formación e investigación. Ademais, os campus están dotados de instalación para ocio con programación continuada nun plano cultural, deportivo e de voluntariado. 

Se acabas de chegar, e necesitas apoio para a túa estadía ou queres coñecer xente nova, podes contactar co servizo Buddy Program da asociación Erasmus Student Network de Vigo.

Accede a toda a información da UVigo e aos seus mapas interactivos:

 
Vigo

O campus de Vigo, ademais dos centros docentes, administrativos e de investigación, conta cunha residencia e instalacións deportivas que enriquecen o día a día universitario. A piscina, o ximnasio ou o centro comercial son exemplos dalgúns dos servizos que permiten aproveitar ao máximo as posibilidades deste campus, apartado do tránsito urbano, pero moi ben comunicado co centro da cidade.

• Explora o campus de Vigo

Vigo é unha cidade mariñeira, de espírito incansable e emprendedor. Ten un dos máis belos paraxes naturais de Galicia: as Illas Cíes. É o destino sur de Galicia ideal para desfrutar da natureza: no corazón da ría de Vigo, con fabulosas praias, pero cunha oferta diversa de ocio nocturno, cultura, compras e entretemento para tódolos gustos.

• Coñece a cidade de Vigo

Pontevedra

No campus de Pontevedra encóntranse cinco centros en A Xunqueira, dous no centro da cidade (un adscrito) e un centro no concello veciño de Marín. A dirección e os servizos administrativos do campus localízanse na Casa das Campás no centro da cidade e na Escola de Enxeñaría Forestal en A Xunqueira, respectivamente.

• Explora o campus de Pontevedra

Pontevedra conta cun dos centros históricos mellor conservados de toda Galicia. Foi declarado ademais como Conxunto Histórico-Artístico en 1951 e é sen dúbida a testemuña en pedra do esplendor medieval que viviu a cidade. Pontevedra é famosa polas suas rúas peonais e as súas prazas, onde parar a descansar e desfrutar da súa calma. Ademais, foi galardoada co Premio Internacional de Dubai, auspiciado pola ONU, que recoñece as mellores prácticas para mellorar as condicións de vida dos seus habitantes. 

• Coñece a cidade de Pontevedra

Ourense 

Totalmente integrado no centro urbano, o campus de Ourense conecta as súas dependencias máis recentes do campus sur coa súa parte máis antiga do campus norte a través dunha pasarela que permite que as súas sete facultades, un centro adscrito e os seus complexos residenciais e deportivos estean moi próximos. Ademais, conta cun centro de apoio á investigación no Parque Tecnolóxico de Galicia (Tecnópole)

• Explora o campus de Ourense

Ourense é a cidade da auga. Oito pontes cruzan aquí o río Miño, que en tempos dos romanos era unha mina de ouro. Agora xa no hai ouro, pero si unhas augas moi valiosas: as augas termais. As termas están por toda a cidade e moitas son gratuitas. Como as de A Chavasqueira ao bordo do río, onde gozar dun baño relaxante e renovador. As augas brotan tamén a 65º no centro, na fonte de As Burgas, que, co Santo Cristo e a Ponte Romana, son os símbolos da cidade.

• Coñece a cidade de Ourense