formación

Formación para o emprego

Como non só a adecuación das candidaturas aos perfiles profesionais demandados inflúe no éxito do proceso de inserción, senón que a habilidade cara a busca de emprego tamén o facilita, na Unidade de Emprego e Emprendemento organizamos accións formativas para promover a aprendizaxe e o desenvolvemento desas habilidades.

EMPREGarte: obradoiros de busca activa de emprego

A Área de Emprego e Emprendemento organiza EMPREGarte, un curso modular constituído por cinco obradoiros gratuítos que se desenvolverán os días 16, 17 e 18 de xuño de 2021. A duración de cada un dos talleres será de 5 horas e media (2 horas presenciais máis 3,5 horas non presenciais), polos que se poderá acadar un recoñecemento en créditos ECTS.

EMPREGarte diríxese ao estudantado e ás persoas recentemente tituladas pola Universidade de Vigo. Podes inscribirte en todos os obradorios ou só nos que sexan do teu interese.

O prazo de inscrición permanecerá aberto ata o 14 de xuño ás 23.59 horas.

 

Directivos e directivas por un día

Co obxectivo de poñer en valor a función directiva no ámbito universitario e contribuír ao desenvolvemento profesional de estudantes de titulacións vencelladas a este eido, a Asociación Española de Directivos e a Fundación Junior Achievement, en colaboración coa Universidade de Vigo e co apoio de Deloitte, poñen marcha a iniciativa Directivos e Directivas por un Día.

Trátase dunha oportunidade para as mozas e mozos universitarios de acompañar unha directiva ou directivo de empresas da nosa contorna durante a súa xornada laboral.

A experiencia desenvolverase entre outubro e decembro e para as persoas seleccionadas será un xeito de achegarse á realidade do mundo laboral, afondar na función dos postos directivos e de seren orientadas no desenvolvemento das habilidades e competencias necesarias para dar con éxito os primeiros pasos da súa carreira profesional.

 

Máis información:

Área de Emprego e Emprendemento
Edificio Miralles
As Lagoas, Marcosende
36310 Vigo
+34 986 130 110
insercionlaboral@uvigo.gal

Linkedin