dedo sinalando un país nun globo terráqueo

Estudantado internacional

Na Universidade de Vigo ofrecemos diversas posibilidades ao estudantado internacional en función das súas preferencias


Estudantes de grao

Estudantado que obtivera un título, diploma ou estudo equivalente a bacharelato en sistemas educativos de estados cos que non exista un acordo de reciprocidade. Nesta ligazón figuran os países cos que si existe este acordo de reciprocidade.

1. Homologación do título ou diploma

Para acceder aos estudos oficiais de grao na UVigo, precisas do certificado/resolución do Ministerio de Educación, Formación Profesional e Deportes de homologación de bacharelato ou dos estudos que dan acceso á Universidade no teu país de orixe. Non é preciso facer unha proba mais. Posto que a homologación é un trámite lento, o que se pide para a inscrición é ter, polo menos, o volante de solicitude. Ten en conta que a nota provisional con este volante de solicitude sería entón un 5 (sobre 10).

Os trámites de homologación poderán realizarse nos consulados ou nas embaixadas de España no teu país. Se o domicilio que vas indicar na solicitude está en Galicia, podes realizar o trámite a través da Consellería de Educación da Xunta de Galicia.

2. Probas de competencia específica (PCE)

Na Universidade de Vigo hai graos que teñen unha nota de ingreso de 5, polo que sería suficiente para comezar o proceso de preinscrición. No caso de escoller unha titulación cunha nota de ingreso superior á túa media de homologación (ou se queres aumentar as túas posibilidades), debes presentarte ás probas de competencias específica (PCE) que organiza a Universidad Nacional de Educación a Distancia – UNED no teu país en dúas convocatorias: maio/xuño e setembro. 

Para estas probas, poderás elixir aquelas materias que máis puntúen para a titulación que desexes estudar. Podes ver a táboa de puntuacións (ponderacións) nesta ligazón. Así podes aumentar ata catro puntos (obtendo un 10 en dúas das materias que máis che ponderen).

A consulta dos resultados é en liña coa publicación nunhas tres semanas (aproximadamente) despois da realización dos exames. 

3. Preinscrición

Unha vez teñas os resultados das probas de competencias específicas (PCE), poderás solicitar praza en NERTA (plataforma de inscrición obrigatoria para toda persoa que pretenda acceder ao sistema universitario galego). Adoita ser no mes de xuño, cando a CIUG (Comisión Interuniversitaria de Galicia) o estableza na correspondente convocatoria: https://www.ciug.gal/gal/admision-sug 

4. Confirmación da praza e matrícula

Durante o mes de xullo deberás estar pendente dos chamamentos de NERTA porque a través da plataforma recibirás a confirmación de acceso ao grao da túa selección. Cando recibas esa confirmación poderás xa comezar a matrícula na UVigo (no prazo correspondente). O curso universitario comeza en setembro e remata en xuño/xullo.

Bolsas
​​​​​

Estudantado de bacharelato internacional (IB), bacharelato europeo (EB) e/ou que obtivera un título, diploma ou estudo equivalente a bacharelato en países membros da Unión Europea ou en sistemas educativos doutros estados cos que exista un acordo de reciprocidade

1. Solicitude da credencial de homologación

Para acceder aos estudos oficiais de grao na UVigo non precisas facer ningunha proba, só tes que solicitar un documento chamado credencial a través da Universidad Nacional de Educación a Distancia (UNED) dos teus estudos de bacharelato realizados no teu país.

2. Probas de competencia específica (PCE)

No caso de escoller unha titulación cunha nota de ingreso superior á túa media obtida na credencial, deberás presentarte ás probas de competencias específicas (PCE) que organiza a Universidad Nacional de Educación a Distancia – UNED no teu país en dúas convocatorias: maio/xuño e setembro. Poderás elixir aquelas materias que máis puntúen para a titulación que desexes estudar. Podes ver a táboa de puntuacións (ponderacións) nesta ligazón. Así podes aumentar ata catro puntos (obtendo un 10 en dúas das materias que máis ponderen).

A consulta dos resultados é en liña coa publicación nunhas tres semanas (aproximadamente) despois dos exames. 

3. Preinscrición

Unha vez teñas os resultados das probas de competencias específicas (PCE), poderás solicitar praza en NERTA (plataforma de inscrición obrigatoria para toda persoa que pretenda acceder ao sistema universitario galego). Adoita ser no mes de xuño, cando a CIUG (Comisión Interuniversitaria de Galicia) o estableza na correspondente convocatoria: https://www.ciug.gal/gal/admision-sug

4. Confirmación da praza e da matrícula

Durante o mes de xullo deberás estar pendente aos chamamentos de NERTA porque a través da plataforma recibirás a confirmación de acceso ao grao da túa selección. Cando recibas esa confirmación, poderás xa comezar a matrícula na UVigo (no prazo correspondente). O curso universitario comeza en setembro e remata en xuño/xullo.

Bolsas

 


Estudantes de mestrado

1. Requisitos previos

Unha vez teñas elixida a titulación de mestrado que vas cursar na Universidade de Vigo, debes asegurarte de que cumpres algún dos seguintes requisitos:

  • Posuír un título universitario homologado a un título español que habilite o acceso a estudos de posgrao (mestrado e doutoramento).

ou

  • Posuír un título universitario sen homologación pero que acredite un nivel de formación equivalente ao correspondente título español de grao e así permita o acceso a estudos de posgrao no teu país. Neste caso, deberás presentar a solicitude de equivalencia do título na aplicación de preinscrición. Esta admisión non implicará a homologación do teu título nin o recoñecemento para outros efectos pero si poderás cursar os estudos de máster na UVigo.

A continuación, debes poñerte en contacto coa coordinación do mestrado que atoparás na súa páxina web

2. Preinscrición adiantada

Unha vez teñas a documentación de admisión ou o título de homologación deberás realizar a preinscrición na aplicación informática, seguindo a ligazón que aparece no apartado de matrícula en mestrados da web. O primeiro prazo para este envío adoita estar aberto entre mediados de abril e mediados de maio.

Documentos que debes enviar:

  1. Solicitude de equivalencia do título (PG-01), debidamente cuberta, para titulacións de países de fóra da Unión Europea
  2. Copia do documento de identidade ou do pasaporte
  3. Copia do título universitario estranxeiro
  4. Certificación académica dos estudos universitarios cursados conducentes ao título presentado, que inclúa a mención específica de que o título obtido permite o acceso a estudos de posgrao no teu país.
  5. Plan de estudos
  6. No caso de que a comisión académica así o determine, poderá solicitarse tamén o programa das diferentes materias para os efectos de comprobar os seus contidos e a carga lectiva.

Antes do 15 de outubro do curso no que a matrícula sexa formalizada, os documentos 3) e 4) deben estar legalizados por vía diplomática nas embaixadas ou nos consulados de España. 

3. Matrícula

Unha vez que a túa preinscrición pase ao estado “Admitido definitivo” tes que realizar a matrícula nos prazos que se determinen na convocatoria de matrícula. Unha vez realizada a matrícula, a área académica de posgrao tramitará a solicitude de equivalencia do título.

 

1. Requisitos previos

Unha vez elixida a titulación de mestrado que vas cursar na Universidade de Vigo, debes asegurarte de que cumpres algún dos seguintes requisitos:

  • Posuír un título universitario homologado a un título español que habilite para o acceso a estudos de posgrao (mestrado ou doutoramento).

ou

  • Posuír un título universitario sen homologación, que acredite un nivel de formación equivalente ao correspondente título español de grao e que permite o acceso a estudos de posgrao no teu país.

2. Documentación

Deberás enviar a seguinte documentación á área académica de posgrao de adscrición do mestrado. O prazo para este envío adoita estar aberto ata o 20 de xuño. 

Documentos que debes enviar:

  1. Copia do documento de identidade ou do pasaporte
  2. Copia do título universitario estranxeiro
  3. Certificación académica dos estudos universitarios cursados conducentes ao título presentado con mención específica a que o título obtido permite o acceso aos estudos de posgrao no país de orixe.
  4. No caso de que a comisión académica así o determine, poderá solicitarse tamén o programa das diferentes materias para os efectos de comprobar os seus contidos e a carga lectiva.

3. Matrícula

Será nun prazo de 10 días cando se reciba a resposta á solicitude e, a partir de aí, deberás realizar a preinscrición e matrícula nos prazos que se determinen na convocatoria de matrícula. Unha vez realizada a matrícula, a área académica de posgrao tramitará a solicitude de equivalencia do título.

 


Estudantes de doutoramento

Se tes interese por cursar un programa de doutoramento na UVigo temos o que precisas. Nesta ligazón podes consultar toda a nosa oferta.

1. Que debes ter en conta?

  • Contactar coa coordinación académica do/ programa/s de doutoramento que che interesen.
  • Unha vez elixas o teu programa, debes asegurarte de que cumpres un dos seguintes requisitos:

2. Requisitos

  • Posuír un título universitario homologado a un título español que habilite o acceso a estudos de posgrao.

ou

  • Posuír un título universitario, sen homologación, que acredite un nivel equivalente ao 7 do Marco Europeo de Cualificacións (EQF) e que permita o acceso a estudos de doutoramento no país de expedición do mesmo. Esta admisión, non implicará, en ningún caso, a homologación do título previo, nin o seu recoñecemento a outros efectos que o do acceso a ensinos de doutoramento.

3. Documentación

Deberás enviar a seguinte documentación á área académica de Posgrao á que estea adscrito o programa de doutoramento. 

  1. Copia do documento nacional de identidade ou do pasaporte.
  2. Copia dos títulos universitarios de acceso.
  3. Certificación académica dos estudos universitarios cursados conducentes ao título presentado coa mención específica de que permite o acceso a estudos de posgrao no país de orixe.
  4. No caso de que a comisión académica así o determine, poderá ser tamén solicitado o programa coas diferentes materias para os efectos de comprobar os seus contidos e carga lectiva.

4. Preinscrición e matrícula

Nun prazo de 10 días, recibirás resposta á túa solicitude e poderás realizar a preinscrición e a matrícula nos prazos que determine a convocatoria:

 


Estudantes de intercambio

Estudantes de intercambio ao abeiro do Programa Erasmus+ e doutros programas de mobilidade internacional.

MÁIS INFORMACIÓN

 

Estudantes visitantes

Se a túa universidade de orixe non ten un acordo de intercambio coa Universidade de Vigo e aínda queres estudar na UVigo por un período ou un ano académico enteiro, podes facelo solicitando estudar como estudante internacional visitante.

Este programa permíteche matricular en diferentes cursos sen obter un título, pero ao final da túa estadía recibirás unha certificación dos créditos obtidos. De volta á universidade de orixe, podes solicitar a validación dos cursos que tomaches.

MÁIS INFORMACIÓN

 

Máis información:

Oficina de Relacións Internacionais
Edificio Miralles
As Lagoas, Marcosende
+34 986 813 751
incoming.ori@uvigo.gal