Queres emprender?
A Área de Emprego e Emprendemento fomenta a iniciativa emprendedora de estudantes e persoas tituladas pola Universidade de Vigo a través do programa INCUVI
O programa INCUVI acubilla anualmente a 12 novos proxectos de creación de negocios nos tres campus e ofrece apoio a dúas iniciativas consolidadas.
INCUVI Emprende
INCUVI-Emprende é un programa de apoio a inciativas empresariais de base tecnolóxica e de coñecemento en calquera ámbito que ofrece unha formación e mentorización específica de cara á validación das ideas de negocio e á elaboración dun plan de empresa. O programa susténtase na preincubadora de negocios INCUVI que anualmente e a través dun concurso de ideas ofrece espazo para acoller ata 12 proxectos nos campus de Ourense, Pontevedra e Vigo.
Os proxectos escollidos obteñen como premio formación, asesoría e apoio na elaboración dun Plan de empresa, ademais da estadía por un máximo dun ano nalgún dos seguintes espazos:
-
Campus de Vigo: Cidade Universitaria (6 espazos)
-
Campus de Ourense: Tecnópole (4 espazos)
-
Campus de Pontevedra: sede da Asociación de Novos Empresarios (2 espazos)
A convocatoria anual do concurso de ideas publícase anualmente no mes de decembro.
INCUVI Avanza
INCUVI-Avanza é unha iniciativa de apoio á consolidación dos proxectos máis viables entre aqueles que fixeron o seu paso polo programa INCUVI-Emprende. A través dunha convocatoria de axudas, a Área de Emprego e Emprendemento proporciona un servizo de asesoramento personalizado, unha axuda económica para subvencionar custos relacionados coa constitución como empresa, así como espazo de traballo durante 12 meses en:
- Vigo: Porto do Molle (Consorcio Zona Franca de Vigo)
- Ourense: CITI (Tecnópole)
A convocotaria anual de axudas convócase a comenzos de ano.