A sala de conferencias da Casa das Campás acolle a proxección de Blue Velvet (1986), de David Lynch, nunha nova sesión do ciclo de cinema Expediente Alquimia (II). Promovido pola Vicerreitoría do campus, co patrocinio da Deputación de Pontevedra, e inserido nas actividades da Semana da Creatividade, trátase dun ciclo integrado por dez proxeccións, que propón un achegamento ás múltiples canles polas que a creatividade se fai patente en películas de diferentes xéneros e épocas.