Nova sesión do ciclo A lingua galega no cinema, desta volta dedicada á lingua animada. Proxectarase O soño da Sultana, de Isabel Herguera. The dream of the Sultana é un relato feminista indio escrito en 1905 por Begum Rokeya Hussein. Inés é unha directora de animación española de 30 anos que se atopa en Ahmedabad para romper co seu amante indio. Casualmente, entra nunha libraría onde descobre esta novela na que se narra un país imaxinario gobernado por mulleres. Fascinada pola historia e pola actitude transgresora da autora, Inés decide facer unha película.

Intervén: Chelo Loureiro, produtora.

A entrada é de balde ata completar a capacidade do auditorio.