O Curso de Actualización Xurídica da Facultade de Dereito do campus de Ourense clausúrase cunha conferencia de Marina Gascón, catedrática de Filosofía do Dereito da Universidade de Castela-A Mancha, que falará sobre A valoración da proba científica en sede xudicial. O acto será tamén o peche do I Encontro Internacional sobre Argumentación e Conflitos de Dereitos, que se celebra esta semana no mesmo centro. Acto aberto ás persoas interesadas.