A aula 1 da Facultade de Ciencias da Educación e do Deporte acolle a conferencia O mercado laboral do sector deportivo, a cargo do ex-alumno da facultade, con experiencia no mundo da xestión deportiva, Daniel Martínez Aldao. Organizada polo profesor Carlos Ayán e dirixida a estudantes e titulados, esta actividade ten como obxectivo informar sobre a realidade actual da xestión deportiva dende o punto de vista dos egresados que traballan no sector, abordando cuestións como as características dos convenios, a interpretación de nóminas, elaboración de contratos, tipos de seguro ou a situación actual do graduado en Ciencias da Actividade Física e do Deporte neste sector.