No marco do ciclo de cinema documental Docs del Mes, que a Vicerreitoría de Captación de Alumnado, Estudantes e Extensión Universitaria promove en Vigo coa colaboración do Concello e o Cineclub Lumière, o Auditorio do Concello acolle a proxección de Overseas, un documental da cineasta coreana Sung-A Yoon centrado na historia das mulleres filipinas que se vén obrigadas a marchar ao estranxeiro a traballar como aias e traballadoras do fogar.

A capacidade da sala, 286 butacas, está reducida por mor da crise sanitaria a 79. As entradas non se reservan, e a cada persoa adxudicaráselle un lugar, sen que este poida ser cambiado, e mantendo sempre as distancias de seguridade.