O Teatro Principal acolle a estrea de Estatus, unha curtametraxe realizada por alumnado da Facultade de Ciencias Sociais e da Comunicación, recoñecida co premio na categoría de Escolas do FIC Bueu e nos premios de creación audiovisual da Universidade de Vigo. A curta, dirixida por Ricardo Araújo, narra "a historia dunha familia poderosa obrigada a tomar unha decisión que pode marcar o seu legado dentro dunha sociedade distópica, gobernada por un sistema controlador, na que ninguén pode ocultar a característica máis esencial do seu ser, o seu status", sinalan os seus autores.

A proxección da curta verase complementada neste acto pola exhibición do making off, actuacións musicais e un coloquio co equipo técnico.