O Instituto de Estudos Vigueses, en colaboración coa Universidade e o Concello de Vigo, organiza o Fórum IEV 2019, un ciclo de conferencias que arrancou en xaneiro e se prolongará ata o vindeiro mes de decembro.

Este mes a conferencia corre a cargo de Ana Pereira, historiadora da Arte e membro do Instituto de Estudos Vigueses, que ofrecerá o relatorio Os pazos galegos: arquitecura rural ou arquitectura de poder? Na súa intervención, a experta abordará un dos compoñentes máis representativos do patrimonio arquitectónico galego, o pazo.