O Pazo de Mariñán, no municipio coruñés de Bergondo, acolle entre o 19 e o 22 de xuño a segunda Residencia de creadores emerxentes Interaccións artísticas en Galicia, que a Real Academia Galega de Belas Artes promove xunto ás tres universidades galegas e os conservatorios superiores de música de A Coruña e Vigo, coa colaboración da Deputación da Coruña.

Preto de 30 estudantes vinculados a disciplinas como a arte, a arquitectura, a danza e a expresión corporal, a música ou a didáctica participan neste encontro, no que seis estudantes de posgrao da Facultade de Belas Artes protagonizan unha exposición sobre arte, natureza e territorio.