Asiste: Maribel Doval, vicerreitora de Responsabilidade Social, Internacionalización e Cooperación da UVigo

Inauguración do curso Escola de sustentabilidade e cidadanía local. Mulleres bravas defensoras da terra, organizado pola Vicerreitoría de Responsabilidade Social, Internacionalización e Cooperación da UVigo coa colaboración de Amigos da Terra e Enxeñería sen Fronteiras. 

O curso estrutúrase a modo de itinerario formativo con seis sesións, presenciais e en liña, nas que se abordan as problemáticas globais relacionadas coa sobreexplotación dos recursos naturais en todo o mundo (extracción de materias primas, produción de enerxía e explotación da terra, etc.) e que afectan especialmente aos países máis empobrecidos. Os docentes e investigadores da UVigo, Águeda Gómez e Xavier Simón; xunto a Patricia Iglesias e Sergio Fernández, técnicos de Amigos da Terra e Enxeñería sen Fronteiras, respectivamente, son os encargos de impartir o curso, no que tamén participan integrantes de Agareso, Asociación Galega de Comunicación para o Cambio Social, e no que activistas galegas e hondureñas teñen un especial protagonismo.