Asisten: Carme Fouces, concelleira de Cultura; Ana Belén Fernández Souto, directora de área do Campus de Especialización Crea, e Eulalia Agrelo, responsable do comité organizador

A Universidade de Vigo e o Concello de Pontevedra organizan, no marco das actividades do Salón Internacional do Libro Infantil e Xuvenil, o V Congreso Internacional de Mediación Lectora, que baixo o título de Libros (tamén) para xogar!, desenvólvese no Pazo da Cultura nas tardes do 20 e 27 de abril e o xoves 4 de maio.

Coordinado polas profesoras Eulalia Agrelo e Isabel Mociño, e orientado a profesorado en exercicio, futuros docentes, técnicos de bibliotecas e outra serie de actores vinculados á selección de materiais de lectura para a infancia e a mocidade, o congreso ábrese, tras a súa inauguración, cunha conferencia de Ismael Ramos, Premio Nacional de Poesía Joven en 2022.