No marco da feiras das industrias culturais Culturgal, o Pont-Up Store promove o Micro Puntazo Exprés, un evento no que as e os responsables de cinco novos emprendementos creativos presentarán os seus proxectos a representantes de empresas e entidades relacionadas coa economía creativa. Organizado xunto coa Concellería de Promoción Económica, este evento xorde como continuación ao Puntazo Exprés, unha das actividades inseridas no evento dedicado ao emprendemento que, no marco do Campus Crea, o grupo de investigación G4 Plus da Universidade promove cada mes de setembro en Pontevedra.