Este xoves e venres celébrase o obradoiro internacional  Avanzando na investigación sobre a alternancia de código (Advancing code-switching research), organizado polo grupo de investigación Language Variation and Textual Categorisation (LVTC) da UVigo.

Nas sesión abordarase a convivencia de varias linguas no mesmo cerebro e os efectos lingüísticos, cognitivos, neurolóxicos e sociais desa convivencia. O obradoiro estrutúrase en dúas partes, cun ciclo de charlas sobre o multilingüismo e a alternancia de código (a combinación de elementos de varias linguas na mesma conversación ou enunciado), polas mañás e dúas sesións de debate sobre dous temas fundamentais na investigación sobre multilingüismo / cambio de código, polas tardes.