Asisten: Xosé Manuel Cid, decano da Facultade de Educación e Traballo Social; Bartolomé Pidal, que foi alcalde de Benposta (Ourense), e José Luis Campo Rodicio, coordinador xeral de Benposta Nación de Muchachos en Colombia

Rolda de prensa para presentar a xornada que a vindeira semana acollerá o campus de Ourense centrada no papel dos menores na guerra en Colombia e o apoio a estas vítimas de Benposta Nación de Muchachos en Colombia. Na xornada, que terá lugar o mércores 25, proxectarase o documental La operación Berlín: la niñez que peleó la guerra en Colombia e dialogarase sobre o traballo de Benposta Nación de Muchachos en Colombia de apoio e acompañamento a estes menores no seu proxecto de construción e dignificación vital.