Semana da Creatividade 2024. Xornadas 'Pensamento e Creación'
Data de celebración:
24 de abril ás 17:30Dirixido a
Entidades Colaboradoras , Estudantes , Medios , PAS , PDI e Público externoOrganiza
Campus Crea e Aula Castelao de FilosofíaLugar
Rúa Don Filiberto, 9
36002 Pontevedra
España
Tipo de evento
Conferencias , Música e XornadasEntrada:
De balde Non é necesaria reserva.Modalidade
PresencialCoa participación do escritor Calros Solla e o cantautor Tino Baz
A sede da Vicerreitoría acolle o mércores 24 e o venres 26 de abril, as xornadas Pensamento e Creación, un ciclo de conferencias e actuacións, promovidos polo Campus Crea, coa colaboración da Aula Castelao de Filosofía. Con entrada libre, ata completar a capacidade da sala, a primeira destas xornadas ábrese co relatorio Soidades do alfabeto: Foulas e prodixios do pasado, a cargo do escritor Calros Solla. A continuación, terá lugar A palabra no eido musical. Tradición e creatividade, do cantautor Tino Baz.
Esta actividade insírese na Semana da Creatividade 2024, un programa de actividades centradas nas principais liñas do proxecto de especialización do campus pontevedrés, organizadas polo Campus Crea co apoio da Deputación de Pontevedra e o Consello Social da Universidade de Vigo.