A Mancomunidade de Montes de Vigo, en colaboración co Grupo de Bioloxía Ambiental e o Grupo GEN da Universidade de Vigo, organiza a Xornada de lanzamento Montes de Vigo 2046: montes veciñais en valor, no marco do proxecto Valorización e xestión sostibles dos servizos ecosistémicos mancomunados dos montes periurbanos de Vigo

.
A xornada desenvolverase de 10.00 a 13.00 horas no salón de actos do edificio de Ciencias Experimentais e nela presentarase o proxecto e a visión que xustifica unha reformulación da forma de abordar a xestión dos montes veciñais en man común que rodean a cidade de Vigo.

A benvida será ás 10.15 horas coa intervención da profesora Josefina Garrido, en representación da Universidade de Vigo; Uxío González, da Mancomunidade de Montes de Vigo, e Alberto Capataz, da Fundación Biodiversidad.