A Facultade de Educación e Traballo Social do campus de Ourense celebra a xornada Máis de 40 anos: pasado, presente e futuro do VIH. Comunidades diversas para acabar co estigma social. A actividade, coordinada por Mónica López e Francisco Aguiar, contará cun faladoiro no que participarán Agustín González, coordinador do Comite Anti-SIDA Ourense; Pablo Barrio, coordinador CASA Ourense de Apoyo Positivo, e Antía Pousa, traballadora social da Cooperativa Xeracción. Ademais, os días 10 e 11 de abril haberá unha unidade móbil, no aparcadorio do Edificio de Ferro, de información, asesoramento en saúde sexual e cribado de VIH e Hepatite C, confidencial e gratuíto para as persoas interesadas.