Dentro da programación da XV Mostra Internacional de Teatro Universitario (Miteu) de Pontevedra, o Teatro Principal acolle a representación da obra Antropoloxía do bico (O síndrome do túnel carpiano), a cargo da Aula de Teatro da Universidade de Santiago de Compostela. Baixo a dirección de Roberto Salgueiro, esta agrupación presentará unha montaxe conformada a partir de textos de Laura Valeiras, Paulo Mouriño, Maurice Blanchot, Leila Guerreiro e o propio Salgueiro.