Dentro da programación da XV Mostra Internacional de Teatro Universitario (Miteu) de Pontevedra, o Teatro Principal acolle a representación da obra Soño dunha noite de verán, a cargo da Aula de Teatro do Campus de Vigo. Baseada na obra de William Shakespeare, trátase dunha montaxe dirixida por Casilda Alfaro e Sonia Rúa, que conta coa participación dun elenco composto por máis dunha ducia de actores.