A programación da XXVI Mostra Internacional de Teatro Universitario de Vigo, Miteu 2024, continúa coa representación da obra Sangrue carbón da Universidad de León. Dirixida  por Javier R. De la Varga, a peza xurde como o berro dunha terra esquilmada polos homes. Serán 10 actores e actrices sobre o escenario narrando a historia dunha transgresión: a que comete Mara, a súa protagonista, para salvar a vida da súa irmá Marusina, “unha viaxe ao interior da terra e tamén ao fondo de si mesma, unicamente por amor”.