Xornada de Portas Abertas 2023

A Xornada de Portas Abertas 2023 terá lugar no campus de Vigo o martes 13 de xuño. 

Programa

Esta actividade está especialmente dirixida a familias e a estudantes de bacharelato ou de ciclos formativos de grao superior que desexen coñecer en primeira persoa as infraestruturas e a oferta académica da Universidade de Vigo. Nas xornadas de portas abertas poderás coñecer as principais características da UVigo, a súa oferta educativa e visitar todas as facultades, escolas e principais instalacións de cada un dos campus. Esperamos que, despois de visitarnos e coñecer máis de preto a Universidade de Vigo, sexa máis fácil tomar unha decisión tan importante coma elixir unha titulación na que poder desenvolver as túas capacidades e habilidades.