Comunidade de voluntariado

Faite voluntario ou voluntaria

Se queres participar no voluntariado universitario tes que ser membro da comunidade e, en virtude da túa decisión persoal, libre e altruísta, participar en calquera proxecto mediante unha entidade de acción voluntaria.

Como alumnado tes dereito ao recoñecemento de créditos ECTS por compartir horas do teu tempo. Podes validar 30 horas de voluntariado por 1 crédito ECTS.
 

Que tes que facer?
 

  1. Tes que elixir o proxecto ou o programa no que queres incorporarte como voluntario/a.
     
  2. Poñerte en contacto coa entidade colaboradora ou co servizo ou coa área da Universidade de Vigo onde queres incorporarte para coñecer o horario, o lugar e todo o que necesites saber.
     
  3. Unha vez que tes claro a túa incorporación nunha acción de voluntariado, tes que inscribirte no seguinte enlace Programas de voluntariado onde aparecen todos os proxectos en vigor, selecciona no que estás interesado e inscríbete.
     

Se tes calquera dúbida, podes porte en contacto co Servizo de Xestión da Extensión Universitaria por correo electrónico voluntariado@uvigo.gal.

Cando o voluntariado se leve a cabo con menores é preciso que aportes un certificado negativo de delitos de natureza sexual. Na páxina do Ministerio de Xustiza explícache que é e como tramitalo.

Agardámoste!
 

Proxectos de voluntariado

Proxectos da Universidade de Vigo

Podes escoller un proxecto de voluntariado entre os que temos como propios ou con diversas entidades colaboradoras da contorna.

Proxectos da Xunta de Galicia


Programa Correspondentes universitarios/as

A Dirección Xeral de Xuventude, Participación e Voluntariado da Consellería de Política Social, en colaboración coas universidades da Coruña, de Santiago de Compostela e de Vigo, pretende favorecer a difusión da información xuvenil entre o alumnado dos campus universitarios a través do programa Correspondentes universitarias/os. 

 

Para máis información, podes contactar con:

Campus de Vigo
Sección de Extensión Universitaria
+34 986 813 626
voluntariado@uvigo.gal

Campus de Ourense
Área de Servizos á Comunidade     +34 988 387 102 | 988 387 089
asc-ou@uvigo.gal

Campus de Pontevedra
Área de Servizos á Comunidade     +34 986 801 949 | 986 801 955
asc-po@uvigo.gal