Oficina de Proxectos Internacionais

A Oficina de Proxectos Internacionais é o punto único de acceso para todo o relacionado cos proxectos internacionais, tanto de educación como de investigación, na súa parte técnica e administrativa

Funcións

• Fomentar a participación da comunidade universitaria en proxectos internacionais de todo tipo, facendo un acompañamento completo desde o xerme da idea ata a fin da implementación do proxecto.
• Asesorar na procura de financiamento, socios, oportunidades e convocatorias.
• Axudar a comprender os requerimentos dos diferentes programas europeos e internacionais para atopar o máis axeitado ao persoal solicitante.
• Prestar apoio na preparación de solicitudes competitivas para todo tipo de programas de financiamento internacionais.
• Colaborar na xestión integral dos proxectos internacionais durante toda a súa vida e axuda na preparación dos informes de progreso, tanto na parte técnica como na administrativa e financeira.
• Organizar accións formativas na Universidade de Vigo en relación ás novas convocatorias de financiamento europeas e internacionais e a elaboración de propostas exitosas.