Unidade de Servizos Xerais

A Unidade de Servizos Xerais ten como misión organizar e xestionar o seguimento do patrimonio e do inventario e prestarlles apoio administrativo ao Departamento Técnico de Obras, á Oficina de Medio Ambiente e á Área de Transporte e Distribución.

Funcións

• Organizar, xestionar e realizar o seguimento do patrimonio e do inventario da Universidade de Vigo
• Elaborar propostas para utilizar eficaz e correctamente as instalacións, os bens e os medios materiais, naturais e técnicos universitarios
• Prestarlles apoio administrativo ás actividades de uso e mantemento das instalacións e dos medios naturais da universidade
• Asistir e prestarlles apoio administrativo ao Departamento Técnico de Obras, Instalacións e Infraestruturas, á Oficina de Medio Ambiente e ás actividades de seguridade e vixilancia
• Programar e organizar a actividade do persoal de servizos xerais de apoio
• Asistir e prestarlles apoio administrativo aos membros da comunidade universitaria no relativo á loxística e ao transporte
• Actuar con criterios de colaboración e de asistencia con outras administracións e entidades relacionadas coa universidade