No marco da programación do congreso internacional ESEE-Degrowth 2024, que terá lugar entre o 18 e o 21 de xuño, o grupo de investigación Post-Growth Innovation Lab promove a Primavera do Decrecemento, unha serie de faladoiros e obradoiros, organizados co apoio da UVigo e do Concello de Pontevedra e dirixidos a afondar nalgunhas das temáticas nas que porá o foco esta conferencia internacional.

Con entrada libre ata completar a capacidade da sala, a programación continúa nesta xornada no Pazo de Mugartegui, co faladoiro Finanzas éticas. Moito máis que produtos sostibles, a cargo de Diego Domínguez, de Fiare Banca Ética, que será presentado polo investigador Alejandro Fortuny.